RADIO AKTIVA - Podkasto

S-ro Rubens Barbieri estis la lasta membro de la estraro de U.E.S. de la jaroj 1950-aj, kiu ankoraŭ vivis kaj partoprenadis la agadojn de nia societo. Li forpasis antaŭ proksimume du monatoj.

En la jaro 1954, kiam unuafoje UNESKO agnoskis Esperanton dum sesio en Montevideo, S-ro Barbieri estis sekretario de la Urugvaja Esperanto Societo, kaj nerekte influis la okazigon de la fama UNESKO-a deklaro, kiu fakte preskaŭ ne okazis.

Paralele al la sesio de UNESKO, U.E.S. kun apogo de U.E.A. okazigis la unuan Internacian Ekspozicion de Esperanto, en ejo je kelkaj centoj de metroj el la Leĝa Palaco, kie okazis la UNESKO-aj sesioj.

Omaĝe al S-ro Rubens Barbieri, Radio Aktiva disponigas ĉi tie denove la intervjuon farita de ni al S-ro Barbieri koncerne al ĉi tiuj du jam menciitaj okazintaĵoj: La 1ª Internacia Ekspozicio de Esperanto kaj la 1ª deklaro de UNESKO favore al Esperanto, kie li rakontis pri la cirkonstancoj ĉirkaŭ ĉi tiu preskaŭ neokazinta deklaro.

Sube vi povos elŝuti aŭ rekte aŭdi 3 sondosierojn: la unua kaj la dua estas la 14a podkasto, kun la intervjuo en Esperanto, iom da muziko inter la diversaj partoj de la intervjuo, kaj kelkaj partoj en la hispana kun traduko al Esperanto. (La unua estas pli peza kaj pli bonkvalita ol la dua). La 3a sondosiero enhavas nur la intervjuon (sen muziko) kaj en dulingva versio (esperanto-hispana), tiel kiel ĝi estis farita.

(FOTOJ: Supra: S-ro Barbieri legas atestilon donita de UES kiel agnosko al sia daŭra laboro por Eo; Aliaj 4 fotoj - Supre maldekstra: Edzino de S-ro Barbieri legas la atestilon; Supre dekstra kaj malsupre maldekstra: Membroj de UES, gelernantoj kaj geamikoj akompanas S-ro Barbieri dum zamenhofa tago kaj jarfina festo (2008-a jaro) en sidejo de UES; Malsupre dekstra: S-ro Barbieri ricevas la atestilon)

Omaĝe al S-ro Barbieri (altkvalita versio 128 kbps) [ 53:07 ] Play Now | Play in Popup | Download (10)

Omaĝe al S-ro Barbieri (malaltkvalita versio 24 kbps) [ 53:07 ] Play Now | Play in Popup | Download (1)

Intervjuo al S-ro Barbieri (parte en la hispana kaj parte en Esperanto) [ 40:32 ] Play Now | Play in Popup | Download (1)

Nia retejo ricevis atakon, kiu malpermesis aliron al ĝi per la ĉefpaĝo, kvankam oni povis iri rekte al iu ajn paĝo. Krome, la podkastoj estis forigitaj, do videblas la teksto kaj plimulto de la blogaĵoj kaj ankaŭ la vidpodkastoj, sed ne aŭdeblis aŭ elŝuteblis la son-podkastoj.

Ni jam restarigis la retejon kaj nun ekkomencis la alŝutadon de nia arĥivo de podkastoj, tamen tiu tasko daŭros dum kelkaj tagoj.

Dume, ni pardonpetas pro la ĝeno kaj  informas ke iom post iom denove estos disponeblaj ĉiuj podkastoj.

Dankon pro la atendo.

[caption id=”attachment_712″ align=”alignright” width=”150″ caption=”Simbolo Esperanto-125″][/caption]

Saluton geamikoj:

Ni alvenas hodiaŭ kiel ĉiam, kun multe  da informaĵo, muziko kaj komentoj. Krome ni aldonas novan eron en tiu ĉi podkaston. Ero kiu estis jam tradicia en nia radio, la rakontoj.

Vi trovos ĉe ni:

*.- Movada novaĵejo.

*.- Vinilkosmo prezentas sian novan KD-on Kajto duope.

*.- Rakonto: “Tre moderna fabelo” verkita de F. Szilagyi

*.- Primovada spaco.

*.- Bona esperanta Muziko.

*.- Kaj aldone, ni disponigas por vi ereton de la prezentadon de la KD-on “Kajto Duope”okazinta en Kopenhage la 24an de julio, en la 96a UK.

Podkasto #31 - Denove rakontoj! (192 kbps) [ 40:52 ] Play Now | Play in Popup | Download (25)

Kajto Duope ĉe 96a UK [ 4:13 ] Play Now | Play in Popup | Download (108)

Saluton!

Ni prezentas hodiaŭ Movadan novaĵejon. Jen la enhavo:

                 *- Jarkunveno de IKEF en Ĉinio.

                 *- Skribu al Avo Frosto!

                 *- Gratulojn al festodatreveno de Brazila Eta programo.

                 *- Informo de Esperanto al Ameriko. (23 jara belgino

vojaĝas tra Latinameriko disvastigante Esperanton).

Krome, akompanas nian aŭskultadon bonega esperanta muziko!

Podkasto RA - Novaĵejo (192kbps) [ 33:36 ] Play Now | Play in Popup | Download (111)

Podkasto RA - Novaĵejo (24 kbps) [ 33:36 ] Play Now | Play in Popup | Download (75)

Saluton karaj amikoj de Radio Aktiva!

Ĉi tiu estas nia 30-a oficiala podkasto kaj tial (kaj ĉar estis multaj informaĵoj por kundividi) ni festos ĝin per pli longdaŭra numero.

Kion vi trovos ĉifoje?

[gallery link=”file”]

• Raporto pri Itala Kongreso de Esperanto.
• Raporto pri la Sat-kongreso.
• Novaĵoj el Vinilkosmo.
• Pup-ekspozicio en Japanio.
• El la vivo de handikapuloj…
• UEA en Unuiĝintaj Nacioj.
• Kaj multa muziko por kundividi kun vi!

Ni dankas al Liba kaj Floreal Gabalda pro la fotaĵoj kaj kongresaj informoj.

Podkasto #30 - Multege da informaĵoj! (192 kbps) [ 1:00:00 ] Play Now | Play in Popup | Download (117)

Podkasto #30 - Multege da informaĵoj! (24 kbps) [ 1:00:00 ] Play Now | Play in Popup | Download (58)

Gamelano estas ensamblo el Azio, kun origino de antaux multaj jarcentoj, kaj Carlos Devizia prezentas ĝin al vi en ĉi tiu 5a numero de Radioaktivaj Sonbildoj.

Ni esperas ke vi ĝuos ĝin.

Radioaktivaj Sonbildoj # 5 - Gamelano [ 32:30 ] Play Now | Play in Popup | Download (129)

Per informoj de Ret-Info ni eksciis ke dum la nokto de la 18-a al la 19-a de septembro fajro kaptis la ejon de Vinilkosmo, kun rezulto de grandegaj perdoj.

Jen niaj vortoj por ĉi tiuj malgajaj momentoj.

Bruliĝis Vinilkosmo! [ 5:52 ] Play Now | Play in Popup | Download (200)

Saluton!

Hodiaŭ Carlos prezentas al ni muzikaĵojn faritaj per malnovaj komputiloj.

Ĉu vi memoras aŭ konis la unuajn hejmajn komputilojn, kiel Commodore 64, Amiga; Spectrum aŭ TK 90? Se jes, vi devas memori la muzikaĵojn de la ludoj por tiuj maŝinoj, ĉu ne? Nu, Carlos rakontas al ni ke ankoraŭ nun estas homoj, kiuj uzas tiajn komputilojn por krei siajn muzikaĵojn. Kaj estas homoj kiuj uzas komputilojn kune kun ordinaraj muzikaj instrumentoj por krei muzikon. Sed nu, ne legu min, aŭdu ĉi tiun numeron de Radioaktivaj Sonbildoj, kiu klarigas multe pli ol mi.
Bonan aŭskultadon

Radioaktivaj Sonbildoj # 3 - Okbita Muziko [ 25:29 ] Play Now | Play in Popup | Download (232)

[caption id=”" align=”alignleft” width=”168″ caption=”Logo 96-a UK en Kopenhago”][/caption]

Sonia kune kun aliaj urugvajaj samideanoj vojaĝis al Kopenhago por partopreni la 96-an Universalan Kongreson.
Ni volis ke ili ĝuu la kongreson kaj ne plu, sed Sonia ne povis teni sin kaj alportis kelkajn sonregistraĵojn por kundividi kun vi, kaj jen unu el tiuj sonregistraĵojn: temas pri kulturaj valoroj kaj komunikado en internacia kunteksto, gvidita de Kristin tytgat.

En ĉi tiu 90-minuta prelego vi komprenos ke kiam oni parolas, la senco de la vortoj povas ne esti la sama por la parolanto ol por la aŭskultanto ĉar la kulturo kaj kutimoj de unu kaj la aliaj donas diversajn nuancojn al la signifo de la sama vorto. Do, interesega parolado de Kristin por ke vi aŭdu, pensu kaj lernu… kaj praktiku kiam vi parolos kun alilandaj samideanoj.

Por ke la dosiero estu malplipeza por elŝuti, ni dividis ĝin en 3 tridekminutaj partoj, elŝutebla sube. Kaj nur por enkonduki vin en la etoso, jen minuta peceto de la prelego kiel vidfilmeto:

Unuminuta filmeto pri la prelego Kulturaj Valoroj kaj Komunikado en Internacia Kunteksto [ 1:13 ] Play Now | Play in Popup | Download (229)

Kulturo kaj Komunikado Kristin Tytgat: parto 1 el 3 [ 32:43 ] Play Now | Play in Popup | Download (163)

Kulturo kaj Komunikado Kristin Tytgat: parto 2 el 3 [ 26:55 ] Play Now | Play in Popup | Download (90)

Kulturo kaj Komunikado Kristin Tytgat: parto 3 el 3 [ 30:04 ] Play Now | Play in Popup | Download (128)

[caption id=”attachment_617″ align=”alignright” width=”300″ caption=”Devizia: kelkaj el miaj instrumentoj”][/caption]

Jen la dua numero de la nova programo de R.A. gvidita de Carlos Devizia.

La ĉifoja temo estas la muzikinstrumento saksofono, kaj kompreneble, vi ne nur aŭdos pri ĝi, vi havos la eblecon aŭdi la instrumenton mem laŭlonge de la programo.

Ni -kaj certe ankaŭ Carlos- atendas viajn komentariojn.
Amike,
Daniel

Radioaktivaj Sonbildoj # 2 - Saksofono [ 30:56 ] Play Now | Play in Popup | Download (124)