Programero tute dediĉita a Vinilkosmo
Teĥnike:
La 12a numero estas unu el tiuj, kiuj ne tute saviĝis de nia neglekto kopii la originalojn, kaj post rompado de nia disko nur restis ĉi tiun version je 24 kbps. Malgraŭ tio, la kvalito estas sufiĉe bona por ĝui la enhavon.
Laŭenhave:
Ĉi tiun programeron ni dediĉis al diskonigado de la enhavo de la retejo de Vinilkosmo, la ĉefa eldonisto de esperanta muziko. Ni trapromenas ĉefe la partojn de la retejo rilatitaj al rokmuziko. Tie ni trovis juveletojn kiel la kanto “Amanda” de Amplifiki, kaj malkovris ke ili havas por vendado kasedajn versiojn de kelkaj originaloj.
Sed vi mem malkovru ĉion, akompanu nin dum nia promeno tra Vinilkosmo en ĉi tiu 12a numero de La Roko.
La Roko #12 - Speciala programero [28:16m]:
Play Now |
Ludu en Fenestreto |
Elŝutu (362)
Vi povas helpi pri la estonteco de la elsendo!
Post jaro kaj duono da ekzistado, la bilanco pri la celatingoj de la radio ne estas tro bona, ĉefe rilate al la manko de reago de la aŭskultantaro kaj senmontriĝo de intereso fare de la esperantaj asocioj, tial eblas la ĉesigo de la ĉiutaga elsendo, kvankam daŭros la produktadon de podkastoj.
Malgraŭ ke ĉi tiu podkasto enhavas ankaŭ ordinarajn spacojn, la plej granda parto de ĝi temas pri la analizo kaj konkludoj rilate al la atingoj de la interreta elsendo kaj la podkasta versio de Radio Aktiva.
Gravas ke vi sciu pri tio ĉi kaj prenu parton en la fina decido.
Elŝutu, aŭskultu kaj reagu!
Enhavo de la 7a podkasto:
- Prezento kun fona muziko de Krio de Morto (La Almozulino).
- Joan del Riu, kanto de Kaj Tiel Plu.
- Kuriozaĵoj - Pri Johano Keplero.
- Konkludoj pri la rezultoj de la podkasta versio de Radio Aktiva.
- Muzikajo de Persone: Trans torent’.
- Historio kaj recipo de la Pico Margarito.
- Muzikaĵo “Drinkejestrino” de Kvarteto Esperanto (en la slovaka kaj Esperanto).
- Analizo kaj konkludoj pri la ĉiutaga interreta elsendo de Radio Aktiva.
- Kantaĵo “Simia Kaptilo” de Dolchamar.
Podkasto #7 - Radio Aktiva - 64 kbps - Ĉu Radio Aktiva ĉesos elsendi ĉiutage per Interreto? [84:13m]:
Play Now |
Ludu en Fenestreto |
Elŝutu (1451)
Podkasto #7 - Radio Aktiva - 24 kbps - Ĉu Radio Aktiva ĉesos elsendi ĉiutage per Interreto? [84:13m]:
Play Now |
Ludu en Fenestreto |
Elŝutu (238)
Bonvenon al la unua numero de la 2007-a jaro!
Ĉi tiu 11a numero de La Roko estis registrita la 6a de januaro 2007. Ĝin malfermas DĴ Kunnar, sekvata de la tiamaj novaĵoj alvenitaj de Vinilkosmo, kaj poste informaĵoj kaj la muziko de DĴ Roĝer Borĝes kaj Merlin Esperante.
Ĉi tiu estas alia numero kies originala versio saviĝis de la diskrompado, do ni havas ĝin en 128 kbps-a formato. Por tiuj kiuj ne povas elŝuti grandajn arĥivojn, ni disponigas ankaŭ la malpli pezan version je 24 kbps.
Ĝuu ĝin!
La Roko #11 - alta kvalito [42:34m]:
Play Now |
Ludu en Fenestreto |
Elŝutu (294)
La Roko #11 - malalta kvalito [42:34m]:
Play Now |
Ludu en Fenestreto |
Elŝutu (256)
La venkinto estis Noemí Ramírez, el Urugvajo, per 6 korektaj respondoj.
La KD, kiun ŝi elektis kiel premio estis Revula Sezono de Miĥail Povorin.
Gratulojn Noemí!!!
En la prikonkursa retejo oni povas vidi la korektajn respondojn al ĉiuj demandoj de la konkurso:
http://radioaktiva.esperanto.org.uy/konkurso1
Nian dankemon al ĉiuj, kiuj partoprenis la konkurson.
KRIO DE MORTO KAJ DOLCHAMAR
La unua duono de ĉi numero estas dediĉita al Krio de Morto, kun informaĵoj kaj multa muziko de ĉi tiu bando, inkluzive de muzikaĵo en la pola lingvo, denaska lingvo de la membroj de la bando.
En la dua duono de ĉi numero vi trovos informaĵojn kaj aŭskultos la muzikon de la tre konata grupo Dolchamar.
Malgraŭ la fakto ke post la perdo de arĥivoj, kiuj okazis kiam rompiĝis la disko de nia komputilo, ni ne povis repreni la version korektitan de ĉi tiu numero (en la originala, t.e. ĉi tiu sonarĥivo, kiun ni disponigas nun, estis problemo kun la mikrofono kaj pro tio kelkaj parolataj partoj ne aŭdiĝas bone), tamen ĉi tiu originala versio estas registrita je 128 kbps, kaj pro tio la sonkvalito de la muzikaĵoj estas tre bona.
Ni esperas ke al vi plaĉos la deka numero de La Roko.
La Roko #10 [30:44m]:
Play Now |
Ludu en Fenestreto |
Elŝutu (229)
Lastaj komentarioj