En ĉi tiu 18a podkasto, ni devas danki al ĉiuj niaj geaŭskultantoj pro la atingo de 50 mil elŝutoj el nia retejo.

La kalkulo de la elŝutoj ekkomencis post la translokiĝo de nia servilo, dum septembro de la 2007a jaro; antaŭaj elŝutoj ne estas kalkulitaj. Kvankam nin ne atingas multaj komentarioj kaj mesaĝoj viaj, ĉi tiuj pli ol 50 mil elŝutoj de niaj podkastoj kaj aliaj materialoj dum la tempodaŭro de 20 monatoj, ĝojigas kaj montras nin via daŭra apogo kaj elekto pere de via aŭskultado.
Dankegon al vi, geaŭskultantoj de Radio Aktiva!!!

En ĉi tiu numero vi aŭskultos al Carlos Devizia, el Argentino, kiu prezentos sian unuan KD-on en  Esperanto “Bizara Lando”. Krom aŭskulti parton de lia eksperimenta muziko en nia podkasto, vi povas ankaŭ spekti muzikfilmon de liaj kantaĵoj je la subo de ĉi tiu paĝo; kaj kompreneble, vi povas ankaŭ viziti la paĝon de la KD  Bizara Lando en blogspot, por aŭdi pliajn muzikaĵojn aŭ aĉeti la KD-on rekte el:

http://bizaralando.blogspot.com/

Ankaŭ en ĉi tiu numero:

• Novaĵoj pri la movado en Ĉeĥa Respubliko aperas en  ĉi tiu pokasto.

• Kaj je la fino, du kantoj verkitaj de Sylla Chaves aŭskulteblas kiel omaĝo al la kara kaj tre aktiva esperantisto, kiu forpasis la 30an de majo, ĉijare.

 

 Podkasto #18 - Radio Aktiva (128 kbps) [37:29m]: Play Now | Ludu en Fenestreto | Elŝutu (48)

 

 Podkasto #18 - Radio Aktiva (24 kbps) [37:29m]: Play Now | Ludu en Fenestreto | Elŝutu (15)

 

 La Voĉo de Zamenhof - el la KD "Bizara Lando" de Carlos Devizia: Play Now | Ludu en Fenestreto | Elŝutu

 

 Ĉiam - de Carlos Devizia (Bizara Lando): Play Now | Ludu en Fenestreto | Elŝutu

 

 Sylla Chaves kaj Neides Barros - Aŭdi Stelojn: Play Now | Ludu en Fenestreto | Elŝutu

Je la jaro 1887 D-ro Zamenhof skribas al la kreinto de Volapuko -pastro Johann Martin Schleyer-, agnoskante la valoron de lia iniciato. La letero estis skribita en la lingvo Esperanto, kiam ankoraŭ tiu nomo -Esperanto- estis la pseŭdonomo de D-ro Zamenhof.

Sendube, ĉi tiu letero estas dokumento, kiun ĉiu esperantisto kiu brakumas la internan ideon devas koni. Tial, jen ĝi, voĉlegita de Sonia la 31a de decembro de la 2007a jaro, ĉefe por niaj novaj samideanoj.

 

 Konante Esperanton #3 - Letero de Zamenhof al kreinto de Volapük [4:12m]: Play Now | Ludu en Fenestreto | Elŝutu (103)

Tio programa estas speciala epizodo, la 20an:

• Galantac eŭskia valso
• Núberu: Xuan

• Praŭ: T. V. Mierda

• La Fuga: Nunca Mais

Rilate:

Podkasta paĝo: http://podkastoj.radioaktiva.uyserv.com/

Glavo Projekto: http://www.crosswire.org/sword

 

 Monda Muziko #20 - Festa Epizodo! [21:30m]: Play Now | Ludu en Fenestreto | Elŝutu (181)

Otako (el la japana 御宅 skribite en kanĵi aŭ お宅 aŭ おたく skribite en hiragano) estas homo, kiu frenezas en unu fako oridinale. Tiu sub-kultura movado aperis je la 1980-oj kaj unue precipe temis pri Mangao aŭ Animeo. Nun la vortsenco ampleksiĝis kaj nomas tiun, kiu sin oferas al unu aparta pasio. Tiun japanan radikon oni ofte komparas kun la angla geek [gi:k] kiu pli-malpli samsignifas. La otakojn kiu ankaŭ malfacilas komuniki kun aliuloj kaj emas enŝlosiĝi ĉambre dum monatoj oni nomas Hikikomorioj

Rilate:

Video pri otakuo kun subteksto en e-o:  http://youtube.com/watch?v=-IHM2lsnJ5s

Don Harlow kun japanaj amikoj: http://groups.yahoo.co.jp/group/gajagaja/messages/199?expand=1

Senpaga kurso de japana lingvo (en portugala): http://op.xisde.net/

Supre la flago de Libera Esperanto Asocio en Hokkajdo, grupo kiu faris multe da bruo kaj gajnis paĝojn en usona kaj germana revuojjpor okazo de la G8 rekontiĵo (Grupo de la oka plej riĉaj landoj de la mondo).

 

 Monda Muziko #19 - El Japanujo venis Los Otakuoj!: Play Now | Ludu en Fenestreto | Elŝutu (213)

 El Usono venis Bruo!

Bruo kiu oni nomiĝas muziko, estas stranga tipo de muziko ke Usonanoj kreis por plibonigi la mondan kulturan, kaj ke alilandanoj brakumis ankaŭ. Glebo Maltzev, el Piĉismo estas iu. Glebo estas tiu ulo, ke koleris la Brazilanoj, kiam faris tre malama recenzo pri nia amatora filmo “Gerda Malaperis”, kiel se la filmo estus Holivuda Blockbuster. Li registris kodon “Treko Stelara” nur kun bruoj, kiel Usonanoj nomiĝas “Noise Music”.

 

 Monda Muziko #18 - El Usono venis Bruo! [18:56m]: Play Now | Ludu en Fenestreto | Elŝutu (232)

 Burundio havos propran spacon en la elsendo de Radio Aktiva!!!

Pri tiu novaĵo ni informos dum ĉi tiu 17a podkasto de Radio Aktiva.

Vi povos aŭskulti intervjuon al Jérémie Sabiyumva, aktiva esperantisto el Burundio, kiu respondos al ni pri la plej diversaj aferoj.
Simple, aŭskultu ĝin.

Enhavo de la 17ª podkasto:

1. Saluton.
2. Alvoko partopreni la projekton “Canto General”. Kantistoj, perkutilistoj kaj aliaj artistoj estas invitataj.
3. Muzika intermezo pere de kantaĵo de Dolchamar, el la KD “Rebela Sono”.
4. Intervjuo al Jérémie Sabiyumva, el Burundio: 1ª parto. La intervjuo prezentas la agadon de Jérémie, la movadon en lia lando kaj Afriko, kaj diversajn aliajn aferojn. Ĉi tiu intervjuo utilas ankaŭ kiel prezento de la nova spaco en Radio Aktiva, pri Burundio, kiu baldaŭ estos elŝutable el nia retejo.
5. Muzika intermezo pere de kantaĵo de JoMo, el la KD “JoMo Slavumas”.
6. Intervjuo al Jérémie Sabiyumva: 2ª parto.
7. Muzika intermezo: Zhou Mack kaj La Feve.
8. Intervjuo al Jérémie Sabiyumva: 3ª kaj lasta parto.
9. Adiaŭo.

 

 Podkasto #17 - Nova spaco pri Burundio en Radio Aktiva (128 kbps) [48:48m]: Play Now | Ludu en Fenestreto | Elŝutu (282)

 

 Podkasto #17 - Nova spaco pri Burundio en Radio Aktiva (24 kbps) [48:49m]: Play Now | Ludu en Fenestreto | Elŝutu (183)

Post jarfino multaj homoj ferias en la sudo pro la alveno de somero.
La aktiveco malkreskas, kaj same okazis koncerne al Radio Aktiva, kiu disponigis multe malpli da materialo ol dum la antaŭaj monatoj. Ekzemple, ne aperis la februara oficiala podkasto de nia radio, kaj ne estis la spaco “Informoj el Pekino”; tamen daŭris la dissendado.

Sed somero preskaŭ finas jam (kvankam la varmo daŭras ankoraŭ), kaj ni komencas denove nian ordinaran vivon; kaj tial ni intencas ankaŭ eki la laboron de la radio. Pro tio, dum marto ni rekompensos vin pri la manko de la februara numero de nia podkasto, kaj por tio ni disponigos antaŭ la fino de ĉi monato 2 podkastojn: ĉi 39-minutan 16an podkaston, kaj la 17a venontsemajne, kiu enhavos novaĵon pri nia elsendo.

Eble vi rimarkis ankaŭ, ke la aspekto de nia retejo renoviĝis, ĉefe responde al la peto de diversaj aŭskultantoj por kiuj la grizaj literoj sur nigra fono malfaciligis la legadon de la paĝoj de nia retejo. Estas planoj por tute renovigi la retejon, sed tio okazos sufiĉe poste.

Dume, ĝuu ĉi tiun plenplenan 16an podkaston.

Amike kaj radieme,

Daniel

Enhavo de la 16a podkasto

1. Muzika enkonduko (Fidela Damo, de Carlos Devizia)
2. Invito al la Internacia Solena Renkontiĝo en Pardubice
3. Muzika intermezo: Jam temp’ está, de Flavio Fonseca
4. Primovada Spaco: prezento de Tutmonda Ortodoksa Ligo Esperantista
5. Muzika intermezo: En l’ haven’ de Pont-Aven, de Jacques Le Puil
6. El la eldonisto: Bv. sendi viajn komentariojn!!! (Legado de kelkaj ricevitaj mesaĝoj)
7. Inervjuoj: Fabiano Henrique intervjuas por Radio Aktiva al Elmir Dos Santos Lima pri “Evangelio, Esperitismo kaj Esperanto”, dulingva radiprogramo de Radio Rio de Janeiro. Ĉi tiu intervjuo estis farita dum la 42a Brazila Kongreso de Esperanto.
8. Muzika intermezo: Amata Land’, de Oraj Kantoj
9. Pri Karolo Piĉ: esperantista verkisto. Parolas kaj legas poemon de li, S-ano Karel Ĉada, el Ĉeĥa Respubliko.
10. Adiaŭaj vortoj, kun fona muziko de Dolchamar.

 

 Podkasto #16 - Radio Aktiva (altkvalita versio 128 kbps) [39:39m]: Play Now | Ludu en Fenestreto | Elŝutu (242)

 

 Podkasto #16 - Radio Aktiva (malaltkvalita versio 24 kbps) [39:39m]: Play Now | Ludu en Fenestreto | Elŝutu (197)

(En azul se encuentra la traducción de este texto al español)

Tio, kion ni prezentas hodiaŭ al vi estas la dua numero de la programo “Konante Esperanton”, kiu Radio Aktiva elsendis dum siaj rektaj elsendoj de septembro 2006 ĝis majo 2008. La unuaj numeroj estis ĉefe en la hispana kun enkonduko kaj fina resumo en Esperanto. Poste, ĉiuj numeroj estis dulingvaj.
Ĉi tie vi povos elŝuti la unuan numeron en 2 partoj: la unua preskaŭ tute hispanparolata, kaj la dua estas la resumo en Esperanto.

Lo que te presentamos hoy es el segundo número del programa “Konante Esperanton” (Conociendo el Esperanto), que Radio Aktiva emitió durante sus emisiones directas desde Internet entre setiembre de 2006 y mayo de 2008. Los primeros números estaban principalmente en español con una intro y un resumen final en Esperanto. Posteriormente todos los números fueron bilingües (español/esperanto).
Aquí podrás descargar este primer número en dos partes: la primera casi completamente en español, y la segunda es el resumen en Esperanto.

Konante Esperanton #2 - Casi toda en español (Preskaŭ tute en la hispana)

 Konante Esperanton #2 - Resumo en Esperanto

 

 Konante Esperanton #2 - en español (en la hispana) [20:08m]: Play Now | Ludu en Fenestreto | Elŝutu (315)

 

 Konante Esperanton #2 - resumo en Esperanto [5:12m]: Play Now | Ludu en Fenestreto | Elŝutu (285)

Bonegan novan jaron!

En ĉi tiu 15a numero de nia podkasto vi trovos la kanton “El Diccionario” (La Vortarlibro), kantita de la fama urugvaja folklorkantisto Alfredo Zitarrosa, kiu temas pri komuna lingvo por la homaro.

Ankaŭ ĉi tie vi havos novaĵojn pri la Silvestra Vespero en Ĉeĥio, legadon de la 24a informletero de Vinilkosmo, kaj aliaj novaĵoj kaj alvokoj.

En ĉi tiu podkasto estas loko ankaŭ por infano, kiuj povos aŭskulti la legadon de la rakonto “Doktoro Ĉioscia”.

(En la fotaĵoj: Alfredo Zitarrosa).

Teksto de la kanto La Vortarlibro

Kian malbonŝancon havas tiuj, kiuj volus
Ke la homo pro lingvo disiĝus
Kiam la homo komprenas siajn interesojn
La planedo malgrandiĝas kaj sia lingvo kreskas.

Neniu diru al mi ke en tiom da vojaĝoj
Mi havis problemon pri mia mesaĝo,
La popoloj plej malproksimaj en la pejzaĝo
Revas, vivas kaj luktas en mia lingvaĵo.

Kian malbonŝancon havas tiuj, kiuj volus
Ke la popoloj de la mondo ne interkompreniĝu
Kiam la homo komprenas siajn interesojn
La planedo malgrandiĝas kaj sia lingvo kreskas.

Bravaj lingvistoj de la vortarlibro
Ekkolektu vortaron
Ĉar alvenos la tago, se necesas
Kiam oni parolos lingvon interplanedan.

Bravaj lingvistoj de la vortarlibro
Ekkolektu vortaron
Ĉar alvenos la tago, se necesas
Kiam oni parolos lingvon interplanedan.
Ĝis la venonta!

 

 Porkasto #15 - Radio Aktiva - 128 kbps (alta kvalito) [35:29m]: Play Now | Ludu en Fenestreto | Elŝutu (414)

 

 Porkasto #15 - Radio Aktiva - 24 kbps (malalta kvalito) [35:30m]: Play Now | Ludu en Fenestreto | Elŝutu (294)

Kvankam nekredeble, ĉifoje mi parolas mallonge.

Ĉi tiu sondosiero nur portas salutvortojn por vi, okaze de la jarfinaj festoj.

Saluton kaj dankon karaj geauskultantoj!!!

Daniel, nome de Radio Aktiva.

 

 Jarfina Saluto [2:04m]: Play Now | Ludu en Fenestreto | Elŝutu (402)